# #

Аав хүү хоёр – 3

Аавдаа хүү нь хаалга тайлж өгөнгөө:
- Ааваа ааваа би Цогоог (найз нь) шагай тоглоё гээд дуудчихсан
- Аан. Ээж нь?
- Ээж хуушуур хийж байгаа.Аавдаа хүү нь хаалга тайлж өгөнгөө
- Өө тэгвэл аав нь гараа угаачихаад ээжид нь туслая даа . Дүү нь яагаад аавдаа ирж үнсүүлэхгүй байна?
- Бүлтүүш (дүү нь) угаалагын өрөөнд коршокондоо сууж байгаа
- Ааваа
- Айн
- Та нарыг жоохон байхад хуушуур тийм өөр байсан юм уу?
- За бас юу сонсчихоод аавыгаа байцаагаад унав? Хэн тэгж байна миний хүү?
- Том хүмүүс дээр үеийн хуушуур мөн гоё байжээ гээд л ярьдаг шүү дээ
- Аан тэрүү. Тэр чинь хүний сэтгэлтэй их холбоотой юм даа.
- Сэтгэл гэж юу юм?
Сэтгэл гэж үү. Сэтгэл гэдэг нь хүн ямарваа нэг юмыг өөртөө хүлээж авах хийгээд бас өөрөөсөө гаргах нэгэн талбар юм даа. За байз, хүүдээ яаж хэлвэл зүгээр вэ.
Нэг цагаан цаас, хуудас байна гэж үзье. Түүн дээр юм бичээд л байвал дүүрээд цагаан хэсэг нь багасаад л байна тийм үү?
- Тийм
- Яг түүн шиг залуу хүний сэтгэл тэр тусмаа хүүхдийн сэтгэл, ой тогтоомж гэдэг тэр цагаан хуудас шиг хачин цэвэрхэн, ариухан байдаг. Эхлээд аав ээж нь, цаашлаад орчин тойрных нь, мөн хүүхэд өөрөө үзсэн харсан, сонссон хийгээд уншсан зүйлээ түрүүний хуудсан дээр бичиж байгаа юм шиг тогтоож авдаг. Сэтгэлд нь хэдий чинээ сайн сайхан юм бичигдэнэ гадагшаагаа хүмүүс болон орчин тойронтойгоо төдий чинээ сэтгэлээрээ харьцаж эхэлдэг. Харин муу муухай зүйл бичигдвэл бас л муу хүн болно гэсэн үг.
Он цаг улиран өнгөрөх тусам хүний сэтгэл буюу уг хуудсан дээр юм бичигдсээр дүүрч цагаан хэсэг нь багасана дээр нь бас гандана.
Хуушуурын хувьд бол залуу хүүхэд ахуйдаа хуушуур идсэн учраас давс ус, гурил тос зэргийг анзаарахгүй сэтгэлээрээ ёстой гоё гээд л идсэн байх. Яагаад гэвэл нөгөө хуудасны цагаан орон зай нь их байна гэсэн үг. Тэгэхээр сэвгүй сайхан сэтгэлтэй байсан учраас тэгэж хоногшсон хэрэг. Харин хожим том болоод хуушуур идэхээрээ давс нь таарч уу үгүй юү, юуны махаар хийсэн бол, ямар тосоор шарсан бол гэж бодоод багадаа амталсан тэр амтаа мэдрэхгүй байгаа юм. Нас ахиад нөгөө хуудас нь дүүрээд сэтгэл нь сэвтэй болж юмыг өөдрөгөөр үзэх үзэл нь багассан гэсэн үг.
Түүнээс биш хуушуур буузыг анх яаж хийдэг байсан яг л тэр аргаараа л хийж байгаа.
- Тэгээд томчууд юмыг сэтгэл гаргаж хий гээд байдагш дээ
- Харин тийм. Томчуудын сэтгэл гээч орон зай нь гадны нөлөөллөөс болж багассан учраас түүнийг ямар нэгэн байдлаар эрж хайж үгүйлж байдаг. Түүний нэг илрэл нь тэр . Тэгээд ч ямар нэгэн зүйлийг сэтгэл гаргаж хийвэл маш сайхан болдог.
- Миний хүү хоолонд хамгийн их амт оруулдаг зүйл юу болохыг мэдэх үү?
- Үгүй. Аан тийм давс, сонгино
- Сэтгэл шүү дээ. Сайхан хоол хийе гэсэн сэтгэл байхгүй бол хичнээн амтлагч хийгээд тэр хоол амт орохгүй.
- Сэтгэлийг тэгээд хаанаас олохын?
- Маш энгийн зүйлээс. Жишээ нь
Чи найзтайгаа шагай тоглохдоо үнэнээсээ булхайцахгүй тоглоно шүү гэж тохирдог биз дээ?
- Тийм. Тэгж яриад тоглохоор булхайцдаггүй юм
- Тээр. тэр үед чи үнэхээр сэтгэлээсээ тоглож байгаа нь тэр .
- Аан.
Хаалга тогшиж хүүгийн найз орж ирэв. Хүү
- За хоёулаа сэтгэлээсээ тоглоно шүү за юу
- За Гэхдээ сэтгэл гэж юу юм ?
Гэтэл угаалгын өрөөнөөс дүү нь
- Өө чи мэддэгүй юм уу. Тэр чинь цаасан дээр байгаа хуушуур мэд үү ...
Писс хийтэл инээд алдах чимээ гал тогооноос , том өрөөнөөс ер нь л тэр чигээрээ эрэгтэй, эмэгтэй, хөгшин, залуугүй бүх хүмүүсийн гэр дүүрэн жаргалтай нь аргагүй инээлдэх дуу тэднийхээс нэг хэсэгтээ тасарсангүй ээ...

7 comments:

Uunee said...

Энэ өгүүллэг маш их таалагдлаа. Үнэхээр аливаа юмыг сэтгэлээсээ хийж байгаа болохоор, сэтгэлээсээ хандаж байгаа болохоор тэр зүйл илүү үнэ цэнэтэй байдаг.

Төрболд said...

Их сайхан өгүүллэг байна. Хүүхдүүдэд их уншуулах юмсан/сэтгэл нь цагаан цаас шиг учраас/. Үнэхээр сэтгэлээсээ уншлаа.

Зэлмэ said...

сайхаан сайхан. Гоё монгол өгүүллэг, ийм өгүүллэг бичдэг хүн олон болоосой. Хуушуур гэснээс хуршсан тостой хуушуур ч биенд их муу шүү. Гэртээ хайрч идэх ч сайхан даа.

Nana said...

yooyo, huushuur idmeer sanagdchlaa, odoo ch haashdaa idsen l dee, todorhoi, en blog geech yuman dotor l jinkene songodog zohiolchid amidardiim shig bgaam daa.

Эрхэс said...

Ene bichlegiig unshij amjaagui l bna. Ta end yostoi amjuulj ugchee. Odoo ehnees ni avahuulaad unshaad l abij dee, tei. Saihan, saihan bichleguud bna aa. Unshih yavtsdaa setgegdelee bicheed l baiya.

Aan martsanaas Nana gaar zogsohgui Hundaga maani bas hair durlald buderchihsen baih yum aa. Ene zun ch, olon ohidiin setgel ni durlald shataaj buhuj baih shig bna daa.

Түмэнбаярын Бум-Эрдэнэ said...

uunee- tiimee setgelees baival, gehdee arhind bish shuu
turuu- bayarlalaa
zelme- geriin huushuur saihaan
nana- saihan zooglooroi , oo bur tengert...
erhes- hundaga uu? za ta nartaa sain saihniig l huseye dee

Anonymous said...

He he huurhun uguulleg bna aa

Neeree l jaahan huuhed ingene dee manai ohin odoo l ter setgel gedeg tsaasan deerh huushuur gedegtei adilhan yum yariad ineed hurgee d bgaa


Saihan uguulleg bna